شعر وادب
الأنوثة
الأنوثه مش شكل جميل وفستان
ولا لسان بيعوج في الكلام
ولا ميكب غالي وبرفان
ده نهر عذب يروي العطشان
عيون بتهدي التايه والحيران
بحر مليان حب وحنان
حضن يضمك وقت حزنك
وبين إديه متكنش زعلان
الأنوثه إحساس تلاقي
وياه………. الامان
قلب يداوي ألمك ويهون
وروح بترسم أحلامك
بريشة.. حنين وتلون
ضحكة تنسيك همك
مهما كان وتبقى مطمن
الأنوثه مش بس كلام حنين
ده احساس مهما كنت قاسي يلين
ده له الف معنى هنقول ونبين
الأنوثه يعني وقت الشده
تلاقي………. حضن..
يحسسك بالإحتواء
تلاقي قلب كله صفاء
وروح تاخدك لدنيا النقاء
الأنوثه معنى جميل
من معاني…… الوفاء
الأنوثه قلب عاقل وفاهم
وعقل حنين واعي ومهتم
