شعر وادب
قصيده بعنوان راح الشباب
ارثي الشباب كيف راح بعجاله
ماكنه مر في حياتي ولا يوم
ابكيه من قلبي وابكي دلاله
ابكي على اللي غيبته دايمه دوم
عاش للالفين وعشره ب سهاله
من بعدها امراض حولي تحوم
جاني السكر ولاطيق احتماله
عن بعض الطعام خلوني اصوم
وتسلل الضغط بعروقي اكتماله
يجيب الاوجاع عالراس مرغوم
والهم مع الأسف القلب شاله
يسري على الفكر لاجيت للنوم
على متن القدر تمشي بنا الحاله
واللي مهو مفهوم يصير مفهوم
اول حياتك موترن من وكاله
يمشي بالدرب في صوت مكتوم
واخر حياتك من سوق الدّلاله
مستعمل للتصليح كل يوم مزموم
جبناها عالسيارات تصوير للحاله
و الادمي تعبان من الهم مضيوم
من كثر العلاجات الكيس شاله
عالريق وبعد الريق الحب مبروم
ماودي اكمل ما تستاهل اكماله
من عقب الشباب كل شي مشئوم
وحسن الختام من الله جل جلاله
الحكم بيده وكل ادمي معدوم
وصلاة ربي على من أدى الرساله
رسول الله شفيعنا لاضاقت علوم
