مقالات
تحويشة العمر
كتبت غرام خطيطة
تحويشة العمر مش فلوس ولا اراضي ولا أملاك ولا رصيد في بنك
التحويشة الصح هي اخوات وأبناء واصدقاء بيخافوا علي بعض بجد ويسندوا بعض في كل الأوقات في الشدة سند وفي الفرح تعيشها معاك ناس عندها وفاء واخلاص قلبهم ابيض بيحبوا بعض بجد
تحويشة العمر حبة مواقف اصيلة وأفعال جميلة كلها مشاركة وجبر خاطر واحتواء تبني بيهم بيوت مودة سكانها ناس عشرتها متعمرة حب وأمان
التحويشة شوية صور مع حبايبنا واخواتنا الل بجد نحكي لعيالنا واحفادنا عليهم ونعلمهم أصول العشرة عشان يعملوا زينا
التحويشة الل بجد الل مهما اتلهينا في مشاغل الدنيا هنلف ونتقابل ونتجمع من تاني
وانا عن نفسي بتمني من ربنا أن انا وتحويشة عمري نفضل مع بعض لآخر العمر ونفضل كتف في كتف
احلي تحويشة هي الناس الل لما تقع تدعمك وتتمني لك الخير وتدعيلك دايما من قلبها
والاجمل من كل ده انك تحوش عند ربنا بعمل المعروف وجبر الخاطر لحد مش هيعرف يرد مجاملتك له ولا كان مستنيها بأنك تزور مريض مش مستني زيارتك بحد تنصره وهو في موقف ضعف وعمل مواقف خير تتستر بيها دنيا وآخره
