مقالات
كان لي يومًا حبيب أحببته حد العشق
كان لي يومًا حبيب أحببته حد العشق
كان لي يومًا حبيب أحببته حد العشق ، وكانت دعوته الدائمة .. (“ربنا يرضيك ويراضيك ويرضى عنك”، ) جايز لأسكت ويتجنب الرد .. مستوى فهمي ساعتها كان بيخليني أتخيل إنها كلمات طيبة عادية ومريحة كأي أب يحب بصدق ولكنه مكتوف الأيدي ومرغم ويريدني نفسيًا سعيدة وخلاص أو أبعد واتركه لعمله اكل العيش مر … ولكن حين أتأمل كلماته الأن واتدبر معانيها .. أدركت إنه كان بيقول كلام حلو قوي… مغلف بمحبة راقية،
•يرضيك معناها .. يرضيك باللي عندك.. أو اللي رزقك بيه .. أو اللي حرمك منه ربما خير.. ولو كان هو من حرمت منه يومًا !
•يراضيك معناها .. إن يرزقك باللي بتتمناه نفسك ويطيب خاطرك باللي تحبه وتتمناه ..
•أما يرضى عنك .. هو رضا ربنا دا الحلم والمنى والهنا والنعيم والمكافأة التي نتمناها جميعاً.. ربنا يجازيك خير ويسعدك عنده.
ربنا يرضيكم ويراضيكم ويرضى عنكم
صافيـ..
