شعر وادب
هنـاك أشـخاصا رائعين مثلكم يخترقون القلوب
دون سابق إنذار أو تأشـيرة مرور
يجعلون المساء أجمل بطيبة قلوبهم ونقـاء أرواحهم
فـ جئت إليكم لـ يتزين مسائي بكم ويسـعد قلبي بـحضوركم
فـ مسائي انتم وبكم يحلو المساء
مساء السعادة والرضا 
أما بعد فإني أقول : سلام مني يا أهل السلام
سلاما لأ الجود سلاما
بالورد و المحبة لكم فاح طيبه
وتحياتي فيها مشاعر واحاسيس
إلى الاديب أخوي وأختي الاديبه
من خافق ما صورته الوساوس
و راعيه ما يرضى لنفسه المعيبه
سلام أبيض مثل لون القراطيس
و خالي من الشكه ولافيه ريبه
من شاعر يصيد صيد القرانيس
ويرمي الهدف لو هو بعيد ويصيبه
ماجمع من ادنئ اضعاف ومهاليس
من گدح راسه و لايخم والذهيبه
لاهاضت بصدره علوم وهواجيس
تلقى مداهيله براس الجذيبه
في شامخ تمشط حجاه النسانيس
وتنفح به انسام الشمال الرهيبه
خالي جنابه ماتجيه العواسيس
بارض تبيد الخيل ماهي قريبه
بمشمرخاتن مبعدات المراميس
لامسئ المسا مايمرح الليل ذيبه
ماهن مداهيل الخبول الهداريس
اللي سوالفهم نمايم وغيبه
اشباه الرجال مروجين الدنافيس
اطلقهم اللي ماتعداء نسيبه
جربن حلايبهم اهزال وحراسيس
مايغتبق خطارهم من حليبه
عن قربهم نختار برق الطعاميس
ويكفي المنيف المرتفع عن شعيبه
في مرقبه شرد القوافي كراديس
وتطيعني حتى ولوهي صعيبه
شردن نقيناهن مع اهل النواميس
غرايبنا نقوه يطيعن غصيبه
