غير مصنف
من كتر مابندوس علي نفسنااا
ونمثل اننا كويسين وعايشين بنخبي ونداري وجعنااا
بنوصل لمرحلة بنكون فيها منتهي الضعف والهشاشة …
أقل وابسط حاجة ممكن تكسرنااا مليوون حتة …
بنبقي عاملين زي الازاز المشروخ اللي مستني اي خبطة بسيطة تكسره
زي الحبل الدايب من كتر الشد ومن كتر مااستهلكته في الاستخدام .. فاضل ليه تكة ويتقطع …
ولما بنوصل للمرحلة دي أقل كلمة بتأءذينااا وبتوجعنااا …
أقل نظرة او حتي موقف مش مقصود ..
ممكن تكون كلمة عادية جداا وبسيطة جدااا تخليگ تدخل اوضتك وتعيط بالساعات …
ودة نتيجة انك دوست علي نفسگ بزيااادة اووي …
مع انها ف وقت تاني ممكن تعديها عادي جداا وماتقفش عندهاااا …
وفي الوقت ده بتبان قصاد الناس كأنك بتتلكك .. وانت فعلا بتتلكك .. عايز تطلع اللي جواك باي طريقة ..
نفسك تخلص من الحمل التقيل اللي شايله جواگ او حتي تخفف منه شوية
بس المشكلة انك شايل ومتحمل وجع جواگ محدش يعرف عنه حاجة غيرگ انت وبس …
وبالتالي الناس تبتدي تلومك علي حساسيتگ المفرطة وانگ مكبر المواضيع …
وعندهم حق لان محدش عارف الجبل اللي انت شايله علي قلبگ وساكت ومكمل …
هما شايفين دايما الضحكة اللي مابتفارقش وشك مايعرفوش انها مخبية وراها بحر وجع ودموع …
عشان كدة بلاش تكتم جواك وتخبي وتداري …
طلع ردود افعالك اول بأول …
فرغ الشحنة وطاقة الزعل والعتاب اللي جواگ …
لان صدقني في الاخر محدش، بيتعب غيرگ …
