أخبار
كيفية التعامل مع الشخصية المستفزة
الغربية غرام خطيطة
ايه هي الشخصية المستفزة هي شخصية بتعمل علي إثارة شخص تاني وإخراج اسوء مافيه سواء كان بالكلام أو بالأفعال فهو بيكون شخص عارف ايه هي الحاجات اللي بتغضب الشخص اللي أمامه وبيكون قاصد ومتعمد فعلها عشان يثير غضبه وده لأنه عنده صفات سلبية بتخليه مصدر إزعاج للمحيطين بيه وبالرغم أنه عارف انه بيضايق غيره إلا أنه مبيتوقفش عن التكرار وأطلق اسم المستفزة علي هذه الشخصية لأنه تثير غضب الآخرين وتثير المشاعر السلبية زى الغضب والازعاج وأحيانا توصل اللي أمامها الي العدوانية مماينتج عنه سلوك غريب عنه ويحزن ويصاب بالاحباط .ايه هي صفات الشخص المستفز هنلاقيه غالبا بيكون شخص سلبي واخد كل الأمور بسلبية ومبيعجبهوش حاجة ودايما بينتقد غيره في كل شيئ وبيكون عنيد جدا متمسك برأيه ومعندوش استعداد للنقاش وشايف نفسه دايما علي حق وتلاقيه برضو كتير الكلام ثرثار لأنه مفكر انه افهم الناس وبيعرف كل حاجة ولو جيت تسند له أي مسؤولية للقيام بيها تلاقيه ينسحب ويقدم أعذار وكسول ميحبش يبذل اي مجهود ودايما يتلكك لغيره ويهجم عليه لأنه شخص عدواني ومبيحترمش خصوصية غيره وده كله لتعويض نقص عنده وهو دايما عنده غيرة عامية من نجاح اي حد حواليه وعشان كده تلاقيه بيستفز الل بيغار من نجاحهم ويستمتع بتغير مزاجهم ودايما بيحاول لفت الانتباه له اما بالتدخل فيما لايعنيه أو بالاستفزاز لغيره وبيتحين الفرص لتغيير الموازين علي من حوله وإثارة اعصابهم .
ازاي بقي نتعامل مع الشخص المستفز اول حاجة نعملها معاه هو تجاهله وفيه ناس لها رأي أن التجاهل ضعف ولكن بالعكس هو ردة فعل قوية لأنك بالتجاهل سيطرت علي أعصابك وجعلته يشعر بالاستفزاز لأنه معرفش يوصل لغرضه تأني حاجة انك تعامله بالمثل وترد عليه وده بقي بيتوقف علي قوة شخصيتك في المواجهة والرد عليه والا هيغلبك واستفزازه لك هيزيد وعليك انك تكون حازم مع الشخص المستفز لأنه بيحتاج لمهارة عشان توقفه عن استفزازه لك وتعكير مزاجك وكمان لازم تحافظ علي هدوئك أمامه ومتردش بنرفزة هناك مقولة أن السكوت عن الجاهل رد عليه لأنه هيعتبر ردك عليه نجاح لاستفزازه لك وده اللي هو عايزه ولازم تكون واثق من نفسك لأن الثقة بالنفس تعتبر سلاح مواجهة مع الشخص المستفز واعتبر أن كلامه مش انت المقصود بيه وبكده هتتمكن من السيطرة علي ردود أفعالك ووضع حدود لعلاقتك بيه بحيث تكون رسمية مع تجنب التواجد بالقرب منه قدر المستطاع وايضا الابتسامة من اكتر الحاجات اللي ممكن تساعد في السيطرة على المواقف المستفزة لو كان من المقربين كي لا نخسره
