مقالات
عودة الي التربية قبل التعليم
كتبت غرام خطيطة
ياريت نهتم شوية أننا نقضي وقت مع أولادنا وزوجاتنا وبناتنا نركز معاهم بقلوبنا وقولنا نراعيهم لأننا مسؤولين عنهم أمام الله ،نربيهم شوية هنلعب بس قلة التربية طلعت لنا ناس مش سوية ومعقد ناس بتكره نفسها قبل ما تكره غيرها ناس متعرفش ايه معني الاحترام ،احترام الغير ،احترام الذات ،احترام الأماكن مبتعرفش تحب الخير للغيرمبيعرفوش يعني ايه ان الكلمة الطيبة صدقة ولا انهم يكونوا العهد ويحافظوا علي السر.
ناس بقا وجودهم أذية لغيرهم ولانفسهم لأنهم متعلموش يحكموا ضمايرهم في اي حاجة .
ربوا عيالكم علي قيم مجتمعنا وأخلاق ديننا وعلموهم ميحرجوش حد ويساعدوا غيرهم مش بالضرورة الناس تكون مثالية لأننا كلنا فينا عيوب ومفيش حد كامل بس علي الاقل تكون ناس متربية صح او ميطلعوش النقص الل عندهم علي شكل أذية لغيرهم وميخلوش كل الل يشوفهم يدعي علي الل رباهم.
رتم الحياة سريع ربوا عيالكم لأن محدش هيربيهم غيركم تطور الحياة مخلاف حد فاضي يربي الكل مشغول بالتعليم وبس وازي يحجز عند المدرس الفلاني والسنتر الفلاني وازاي نقفل الدرجات ونمتحن وتيجي الاجازة وندور هنقضي الصيف فين في المصيف ده ولا ده وتضييع الوقت من غير جدوى.
زمان كان فيه مدارس صح بتربي وتعلم ومدرسين بيزرعوا القيم والمبادئ بيعملوا الصح من الغلط ،الحلال والحرام .
بقينا في زمن الاجيال فيه في ذمة الله جيل عرف بس يتعلم المهرجانات ويتادب بادابهم المبتذل قولا وفعلا جيل الألفاظ النابية بقت منهجه ولغة حواره .
ياريت يبقي فيه عندكم كل يوم ساعة بس تقعدوا مع عيالكم فيها تعلموهم يعني ايه أخلاق وقيم يعني ايه بر وصلة رحم وتسامح ولما تخاصم اخوك ماتخصموش أكثر من ثلاث ،علموهم احترام الكبير والعطف علي الصغير ومساعدة المحتاج ،علموهم آداب الدين ،آداب الطريق ،آداب الحديث ،آداب الطعام، آداب الاستئذان وحاجات كتير عيالكم ميعرفوش عنها حاجة .
الكل مهتم بس بتعليم مناهج عقيمة مش بيستفادوا منعا غير النقل من صف الي صف ا. من مرحلة الي مرحلة
