تحيا مصر.

كتبت /هالة فاروق.
اللي حصل واللي بيحصل واللي هيحصل ملوش غير معني واحد .
إن الراجل ده ماشي صح ولما دوله محوريه زي مصر متقعش بعد كل الخراب اللي كان مخطط ليها بل بالعكس وقفت تاني علي حيلها وبدأت تكبر وتستقر. علي عكس كل الدول العربيه اللي كانو ف نفس المخطط واللي انهارو انهيار تام واصبحو أشباه دول.
يبقي لازم الشيطان الأكبر يفكر ف حل لتدميرها غير الناس والشارع بشكل مباشر .
تدميرها عن طريق شعبها برضه بس بشكل غير مباشر ودا اللي بيحصل من فتره وتم تأكيده النهارده بعد زيادة الدولار واللي بيتزامن مع دعوات خبيثه من خونه ومرتزقه شغالين بأجندات خارجيه لتدمير مصر وجرها تاني لنفق الفوضي والخراب اللي عيشنا فيه اكتر من4 سنين ومازلنا بنعاني من أثاره.
انا عارف ان الوضع الاقتصادي صعب وفيه ناس تعبانه كتير وفيه ناس مش عايشه.
بس اللي اتعلمتو واتربيت عليه هو حفظ الجميل وعدم الخيانه.
الراجل ده حكم البلاد في مرحله صعبه جدا.
وعشان مش خاين مرضيش يبيع البلد للخونه اللي حكموها بعد الثوره .
الراجل ده شال كفنه علي إيده وراهن بحياته وحياة أهله كلهم علي ثقة المصريين فيه ونزولهم بطلب منه عشان يأكدوله انهم معاه.
وبالفعل الشعب صدق ووثق فيه ونزل يحميه ويقف ف ضهره عشان يأكد للعالم كله ان شعب مصر مختلف عن كل الشعوب اللي دمرت بلادها.
فلازم احنا كمصريين نحسس الراجل الشريف ده اننا لسه معاه وف ضهره حتي لو الظروف صعبه شويه وتأكدو تماما ان الجيش المصري مبيخطيش خطوه مع أي رئيس لمصر إلا إذا كان متأكد إنها لصالح البلد وشعبها ف الرهان مش ع الرئيس السيسي بس الرهان ع الجيش المصري العظيم معاه ودي كفيله إنها تطمنك.
ع الحلوه والمره معاك ياسيسي.
ربنا يوفقك ويسدد خطاك وكمل واحنا معاك وهنستحمل عشان ولادنا واحفادنا لما يكبرو يلاقو بلد محترمه. ويفتخرو بأهاليهم اللي ساهمو واستحملو الصعب عشان يشاركو ف عزتها ورفعة شأنها من جديد.