شعر وادب
…… وبتنطقى كلمة وداع …….
متابعة نسرين على.
كلمات الشاعر أحمد عامر.
يامعلمه قلبى الهوا
ومعلمانى أكون بسيط
بعد ماكنت بوحدتى
بهواكى انتى بقالى سيط
وجعلتى حبك بالحشى
والدم دمك بالوريد
صحيتى جوايا الامل
وكأنك البحر المحيط
زلزال وهد قوتى
وشغلتى قلبي المريض
وسقيتى روحى بحور هواكى
كان الشفا عنوان دواكى
وغزلتى من هم الشقى
اجمل هوى جوه الوريد
جايه النهارده بتبعدى
وبتطفى اجمل بسمتى
وبتنطقى كلمه وداع
قولى ياقلبي اتكلمى
مين اللى باع
قالوا الوداع عمر انتهى
وانا قلبي لسه بغصته
فات الزمن من كام سنه
ووداعك انتى بأسوته
بالقلب نار مابتنطفى
مكسور ولسه بعزته
يجى المسا بتسيل دموعى
ع الخد يكوى بحرقته
حاضن الم جوه ضلوعى
وحارقنى جدا اسوته
وانده يادمعه ماتنزلى
وانا لسه برضه بمعزلى
واتذكرك قولتى الوداع
ابكى واصرخ وانتحب
وتاخدنى روحى
مين ياترى غيرك هنا
يشفى جروحى
جايه النهارده بتبعدى
وبتطفى اجمل بسمتى
وبتنطقى كلمه وداع
قولى ياقلبي انطقى
مين اللى باع
انا مش هلومك ع الوداع
اولية بعدتى من هنا
بس بلومك ع الجنون
اللى معاه ضاع حبنا
وقت ماكنا بدم واحد
بحترتى انتى دمنا
واتغيرت فينا الطباع
تاهت معالم دربنا
كل الدروب اتبدلت
واتلونت من جهلنا
والجهل أكبر مشكله
توهنا معاه وبعلمنا
مع انك انتى نور الحياه
وحبستى نورك عننا
وانتى الطريق ومنتهاة
كاد العدى يوم حبنا
جايه النهارده بتبعدى
وبتطفى اجمل بسمتى
وبتنطقى كلمه وداع
قولى ياقلبي اتكلمى
مين اللى باع
………… احمد عامر …..
