أخبار
العلاج النفسي بحفلات الزار
زمان كان في حاجة أسمها حفلات زار
كانت الاسر بتعملها لما الست” تحديدا الست” تبقي عصبيه او طباعها تتغير او تحس انها مش طايقه جوزها و عيالها او تبقي عايزه تخلف و مش عارفه او عايزه تتجوز و فاتها الجواز وسنها كبر.
الجميل أن حفلات الزار كانت ناجحة في تحقيق الأهداف بشكل كبير جدا يعني بعد الحفله بتكون الست أصبحت أهدي و نفسيا مرتاحةو متقبلة بيتها و جوزها و عيالها و المجتمع و الناس . ده غير أنها بتكون واثقه في نفسها أكتر.
الزار كان بيتعمل بهدف ارضاء الجان او اخراجه ! كان بيبقي طبل و بخور و رقص هستيري و صراخ !
لو شيلت فكره ” الجن” من الموضوع هتلاقي ده نوع من جلسات العلاج بيتدفع فيها فلوس تخيل تروح لدكتور نفسي يقولك قوم صرخ و صوت عشان تحل مشاكلك النفسيه و تدفع فلوس علي للنصيحه دي !
او الصراخ البدائي هو واحد من انجح طرق علاج الهستيريا و الضغط العصبي في العشر سنين اللي فاتوا
مبتكر الاسلوب ده في العلاج قال انه من الحضاره الصينيه القديمه . و فيه بيخلي المريض يقف و يصرخ! يتنطط ! يشوح .،يعنيى اللي في نفسك اعمله
و الدراسات والبحوث وجدت ان الاسلوب ده مفيد للصحه كالتالي :
١- الصراخ بيخرج الضغط و التوتر
وهذه حقيقه علمية مؤكده
لو انت لسه ما جربت تقدر تجربها و تشوف ممكن هتحس بالراحه النفسية بدل ما انت كاتم في داخلك وقلبك و ساكت
٢- الصريخ بيحسن صحتك الجسديه
و ذلك لان الضغط العصبي و النفسي بينعكس علي صحتك الجسديه
٣-اخراج المشاعر السلبيه حتي لو في شكل غير عقلاني بيخفف عنك كتير من التوتر
من قدراتك الذهنيه و العقليه
لما بتخرج التوتر المحيط بالمشكله ده بتحس و تشوف المشكله بشكل افضل و بالتالي بتشوف حلول بشكل افضل
٤- الصريخ بيخليك اقوي جسديا و نفسيا
و بشكل أو باخر انا بنتمالك اعصابنا عشان منظرنا قدام الناس لدرجه بتخلي البعض مش قادر يخرج التوتر و الغضب اللي جواه حتي بينه و بين نفسه ! الاحساس بانك لو صرخت تبقي ضعيف او مهزوم “
وهذا يمنعك انك تخرج الطاقه السلبيه دي بشكل بدائي .
عندما تفعل ذلك.
جهازك المناعي بيكون اقوي . و التالي بتكون اهدي و انضج و قدرتك علي تقبل الضغط بتكون أعلي .
خد بالك بأن أخراج الغضب و التوتر أو الحزن أو اليأس بالشكل ده افضل مايطلعوا في شكل انفجارات في وش اصحابك او اهلك او مديرك او شريك حياتك ! لانه مهما حاولت تحتوي الضغط العصبي بيجي له لحظه انفجار .
