غير مصنف
محدش مهتم ..
لما بتحزن وتقفل على نفسگ محدش بيهتم ولا بيتأثر غيرگ لما بتتعب سواء نفسيااا او جسديااا محدش بيحس باللي انت حاسس بيه بالظبط مهما حاولت تحكي وتوصف في ألمك، ولما بتنفصل من علاقة او بتسيب شغل او بيحصلگ اي حاجة سلبية لا حد بيتأثر ولا حد بيهتم، حتى لما تموت هيعيطوا ويزعلوا شوية وبعدها هيكملوا حياتهم ومحدش هيهتم بـ اكتر من جملة الله يرحمه لما يجي اسمك او حاجة تفكرهم بيگ ..
معاناتك الخاصة مش محور الكون ولا الزمن بيوقف لحد ما تتعافى .. الايام بتعدي وعمرگ بيفضل يجري وفرصگ اللي بتضيع مش بتيجي تاني، وموتگ مش اكتر من مجرد تطبيق لقوانين الطبيعة اللي وضعهااا ربنااا سبحان وتعالى ..
فـ يا تكون سند لنفسك وتعرف ازاي تلم شتات امرك وتقوم بعد كل وقعه وتتفهم طبيعة الدنيا المؤقته اللي عايش فيها وان مفيش حد هيفهمك او هيحس بيك غيرگ وتوفر المجهود اللي بتبذله وانت بتشكي حالك او بتعاتب او بتحاول تبرر اقوالك وافعالك إلخ.. وان الدنيا مش هتقف على وجعگ ولا على حتى اكبر مصايبگ واللي هي موتگ .. يا هتفضل طول عمرگ واقع ومادد ايدگ مستني اللي يلحقگ ..
انت بطل حياتگ ..
