شعر وادب
ليكي سيدتي
كتبت وفاء فتحي أحمد
كونك مطلقة او حتى ارمله يبقي اتحكم عليكي تتحملي الغباء والظلم المجتمعي : ومن اقرب المقربين ليكي
لو اتجوزتي راجل متجوز .. يبقي انتي ست خرابة بيوت..
ولو اتجوزتي شاب .. يبقي اكيد ضحكتي عليه عشان تتجوزيه او عملتي له عمل..
لو فضلتي من غير زواج .. اكيد فيكي عيب وتبقي مقضياها وماشية علي حل شعرك..
لو احتاجتي تحسي باﻻمان بوجود راجل معاكي … وده الطبيعي لأي ست … تبقي ست شاذة وكل تفكيرها في الرجالة
ولو ضحيتي ومااتجوزتيش علشان اﻻوﻻد … يقولوا بٌكرة هايرموكي وهاتفضلي لوحدك وﻻ حد من وﻻدك هاينفعك… ويخوفوكي من بكره .
لو احتفظتي باﻻوﻻد واتبهدلتي في تربيتهم يبقي بتشيلي حمل مش بتاعك وتستاهلي..
ارميهم ﻻبوهم خليه يحتاس. .. ولو سبتيهم ﻻبوهم .. يبقي انتي ام قاسية رامية وﻻدك… خديهم حتى لو تشحتي بيهم ..
لو صاحبتي واحدة متجوزة .. تبقي خايفة منك ..
ولو صاحبتي واحدة مطلقة .. يبقي إتلم المتعوس على خايب الرجا ..
لو اشتغلتي في مجتمع مختلط .. يبقى اكيد على شان تصطادي عريس ..
ولو اشتغلتي مع الستات بس .. يبقي انتي رجعية ومعقدة ..
اي راجل بتقابله ولو صدفة يبقي عاوز يرتبط بيها… مش حب فيها .. ﻻﻻﻻﻻﻻ ﻻ سمح الله… بس مش هاتكلفه حاجة …
ولو حصل % 1 … واتجوزتي راجل محترم … بيكون شيء من المستحيل حصل معاكي
لو ابتسمتي وانتي بتشتري اي حاجة .. تبقي ست مش محترمه … ولو كشرتي او حتي اتكلمتي بحزم .. تبقي ست نكديه … هو جوزك سابك من شوية!!
قال رسول الله صل الله عليه وسلم : ” من لا يَرحم لا يرحم
سامحيني العيب مش فيكي العيب في الفكر بتاعنا و ثقافتنا عدم تقبل الغير بمتغيراته
