أخبار
العلاقة بين القلب والعقل.
كتبت /هالة فاروق.
يتحدث العلماء اليوم عن دماغ موجود في القلب يتألف من 40000 خلية عصبية .. أي أن ما نسميه ” العقل ” موجود في مركز القلب .. وهو الذي يقوم بتوجيه الدماغ لأداء مهامه .. و لذلك فإن الله تعالى جعل القلب وسيلة نعقل به ..والمعلومات التي يختزنها القلب فهي معلومات حقيقية صادقة .. الإيمان يكون بالقلب و ليس بالدماغ ..
بعد المعلومات اللي العلم اكتشفها دي…. نيجي نربط بينها وبين فكر المصري القديم هنقول سبحان الله الذي وهبهم العلم والحكمة ربنا منح الناس دي علم سابق لعصرهم بكتييير..
…تعرفوا إن المصري القديم استخدم كلمة (ib إيب ) اللي معناها القلب ليدل بها على العقل والحكمة وإن القلب ده مركز التفكير مش العقل خالص عشان كدا كان بيستخدم رسمة القلب عشان يقول إن القلب ده هو عضو التفكير و الحب والاحساس…… هو موضع كل المشاعر فتلاقي في النصوص المصرية القديمة لما يكتب كلمة تدل على العقل /mind مكنش بيستخدم مخصص المخ لاء كان بيستخدم مخصص القلب (المخصص يعني كلمة بتيجي في نهاية الاسم او الفعل عشان تبين معناه يعني كلمة راجل يجيب في نهايتها مخصص راجل كلمة ست يجيب في نهاية شكل ست كمخصص… كلمة يمشي يجيب وراها شكل رجلين… الخ) .
بالإضافة إلى أنه أثناء عملية التحنيط كان بيشيل وبينزع كل الأعضاء الرخوية زي الأمعاء والمعدة… الخ ويجي عند المخ يشيله بأداة بيحطها في أنف المتوفى ويبدأ ينزع المخ ويطلعه علي شكل قطع وده إن دل يدل على عدم أهميته في جسم الإنسان يجي بقا عند القلب يسيبه مكان ميرضاش ينزعه من قلب المتوفى أبدا لأنه عارف إنه عضو التفكير و مصدر كل المشاعر…..
حتي في عملية حساب المتوفى في العالم الآخر، القلب بيلعب دور كبيييير في دخوله جنات العالم الآخر أو يكون مصيره العذاب حسب ما يحمله قلب هذا المتوفى إن كان سليما ((إلا من أتى الله بقلب سليم)) فسوف يحيا حياة طيبة في العالم الآخر وإن كان شرا فسيلقي مصيرا سودا*وي…..زي قلبه اللي كان اسود في الدنيا
سبحان من علم المصريين القدماء كل هذا العلم.
