أخبار
العلاقات المؤذيه
كتبت وفاء فتحي
اغلبنا بنقابل علاقات مؤذيه كتير جدا وبنفضل نضغط علي نفسنا جامد جدا من أجل اسعاد الآخرين بنعمل كل شيء عشان اسعادهم دون تقدير ولا اهتمام ولا اي مردود حتي لو بسيط يخلينا نعمل دا
بنحرق اعصابنا عشان ناس احنا مش بالهم اساس
ليه بنعمل كدا في نفسنا ليه
هو احنا ليه بنحب وجع القلب حقيقي ليه بنحب وجع القلب
ليه مش بننهي العلاقات دي ونريح نفسنا
علي فكرة الاذيه قبل ماتكون من الناس هي مننا لأننا احنا اللي عملنا كدا في نفسا
والغريب اوي اننا ممكن اوقات نخسر ناس بتحبنا حقيقي وبنحبهم علي حاجات هايفه اوي معرفش ليه …جايز عشان بيحبونا بصدق واحنا ضامنين حبهم بنعمل معاهم دا
وكأن حبهم ذنب لابد نعاقبهم عليه
تركيبه غريبه جدا فعلا
المهم عشان مطولش لازم نحب نفسنا شويه ولازم نرضي نفسنا اولا وبعد كدا نبحث علي ارضاء الغير نفسنا ليها حق علينا بلاش نأذيها بكل الطرق لأننا احنا اللي هنتعب في النهايه ومحدش بيتعب عشان حد ولو حد تعب عشانك يوم اي كان مين مش هيتعب عشانك التاني اوعي تصدق كل اللي بيتقال ليك دا كلام وتأكد انه كلام هتعرف دا عند المواقف الحقيقيه لازم تاخد بالك من دا كويس .
