غير مصنف
البناء والإصلاح هو دور المرأة
الغربية غرام خطيطة
لو صلحت المرأة صلحت الاجيال فهي نصف المجتمع وهي من تربي النصف الآخر فهي الأم المربية لابنائها والزوجة المعينة لزوجها وطبعا دور الرجل يحتاجه كل بيت كمعين وعطوف ورحيم فالمرأة تحتاج من زوجها اعانتها بما يشحنها به من كلمات طيبة أو أنه يكون اب عطوف حنون وكمان الرجل هو مصدر قوة البيت لزوجته ولاولاده لأنها بتحتاجه في عمر يصعب عليها أن تسيطر بحنانها وعاطفتها الجياشة لكن البناء والإصلاح هو دور المرأة فهي اذا قصرت فيصعب اصلاح الأبناء ولو قام الرجل بدوره علي اكمل وجه فهي أن اصلحت صلحت ومتي مانسيت المرأة أن أعظم دور لها في الحياة مهما واصلت من نجاحات هو صناعة الاجيال فوجودها كفيل بوجود الهدوء والراحة فهي السكن لاولادها وزوجها ومن غيرها البيت لاشيء ولو هي تركت الدور ده انعدم الهدوء والراحة والطمأنينة في البيت .
طيب ازاي بقا تبقي اختي الحبيبة سكن ؟!!
متكونيش كتيرة اللوم والشكوى بل احتوي وبعد كده اطلبي حقك في الاحتواء وادي وانتظري المقابل من الله وحده خليكي راحة وسكن لزوجك من هموم الشغل والمحيط الخارجي واعطفي عليه وابتغي بيها وجه الله وحتي لو هو قصر فحقك لا تهتمي وكل ماعليكي ادي وابذلي كل جهد للعطاء وارحمي رجل مهما بدا لكي عظيما فهو يظل يحتاج منكي العطف والحب والحنان ومهما بدا لكي قويا فهو بحاجة لاحتوائك له اعطي من غير مقابل ومتنتظريش ادي بكل مالديكي وقولي لنفسك انا مستنية الجزاء من الله واصنعي من زوجك واولادك جنود اقوياء لتخوضي بهم معركة الحياة فالمعارك مش هيخوضها إلا جنود اقوياء وسيبك بقي من اللي وجعوا دماغنا بالمناداة بحقوق المرأة ومخدناش من ورا كلامهم غير طابور طويل من المطلقات والكثير من النساء المكسورات وبدل ميلاقوا حل للمشاكل كسروا المفاتيح وخلي لنفسك كل يوم وقت لله فالوقت اللي هتقضيه مع الله هيشحنك ويديكي قوة ايجابية عشان تقدري تقومي بدورك علي اكمل وجه .
ولازم تعرفي ان الكل بيتعب والكل بيحاول ومفيش مشكلة ابدا انك تدوري علي ازاي تحتوي زوجك وبيتك ولو قابلتك مشكلة الجئي الي الله وانتي ساجدة وادعيه يرشد للحل خصوصا في عالم كترت فيه المناداة بالحرية والحقوق فكل الحرية وكل الحقوق مقفولة لكي من الله في دستور حياتنا القرآن الكريم وكل الخطأانك تسمعي لمن يتجاهل كونك كأنثي وأنك محتاجة لرجل في حياتك وكمان الرجل محتاج لانثي تلملم شتاته فكلاكما يكمل الآخر فلاتفرطي في أسرتك .
وفق الله الجميع للخير ومتع بيوتنا بالحب والراحة بزوجات مطيعات لازواجهن ترتضين بها الأجر من الله
